ఆచార్య రహస్యం

జై శ్రీమన్నారాయణ!

మనం ఎప్పుడైనా గాఢంగా ఆలోచిస్తున్నప్పుడు లేదా ధ్యానంలో పూర్తిగా నిమగ్నమైనప్పుడు ఒక అద్భుతమైన ఆలోచన, ఇది వరకు ఎప్పుడు తట్టని ఒక కొత్త తలంపు, ఇలా దర్శిస్తుంటాము కదా.

శ్రీశ్రీశ్రీ చిన్న జీయరు స్వామివారి యొక్క గొప్ప భక్తులు, ఆస్ట్రేలియా వాస్తవ్యులు Dr శ్రీధర్ ఆచార్య గారికి కూడా ఇంచుమించు ఇలాంటి అనుభవమే కలిగింది.

ఆవర్తన పట్టికలోని (పీరియాడిక్ టేబుల్) రసాయన మూలకాలను కేటాయించిన వివిధ కోడ్‌ల మాదిరిగానే మన గ్రంథాలు కూడా తత్వాలను ఎలా క్రోడీకరించాయో వివరించిన శ్రీ స్వామి వారి ఒక అనుగ్రహ భాషణాన్ని వారు శ్రవణం చేసారు.

వైదిక గ్రంథాలు విశ్వంలో ఉన్న అన్ని తత్వాలను 24 రకాలుగా గుర్తించాయి:

• పంచ భూతాలు (5)
• తన్మాత్రలు (5)
• జ్ఞానేంద్రియాలు (5)
• కర్మేంద్రియాలు (5)
• మొత్తం: 20

• మనస్సు 21
• బుద్ధి 22
• మూల ప్రకృతి 23
• అహం తత్వం 24
• జీవుడు (ఆత్మ) 25
• పరమాత్మ 26
• వీటి గురించిన జ్ఞానాన్ని ప్రసాదించే ఆచార్యులు 27

కాబట్టి, ఆచార్యులను 27 అనే సంఖ్య సూచిస్తుంది.

శ్రీమాన్ శ్రీధరాచార్య గారు తమ ఆచార్యులపై ధ్యానం చేస్తున్నప్పుడు, 27 అనే సంఖ్య ఆచార్యులను సూచించడమే కాదు, మన ఆచార్య నామంలో కూడా ఖచ్చితంగా 27 అక్షరాలే ఉన్నాయన్న రహస్యాన్ని గ్రహించారు.

ఓం శ్రీశ్రీశ్రీ త్రిదండి చిన్న శ్రీమన్నారాయణ రామానుజ జీయరు స్వామినే నమః

ఎంత విచిత్రం కదా!