అందమైన అనుభవాలు
అందమైన అనుభవాలు
శ్రీశ్రీశ్రీ చిన్న జీయర్ స్వామి వారు యూకే పర్యటనలో ఉన్నప్పుడు, ఒక వ్యక్తి, నా మనస్సును స్థిరంగా, ప్రశాంతంగా ఉంచుకోవడానికి ఏమి చేయాలి అని శ్రీ స్వామి వారిని అడిగారు.
అప్పుడు శ్రీ స్వామి వారు ఇలా అన్నారు, “ఒకసారి మన పెద్ద జీయర్ స్వామి వారిని ఇలాగే ఎవరో అడిగారు, “స్వామీజీ, మాకు ఐదు నిమిషాల సమయం మాత్రమే ఉంది. మీరు ఈ కొన్ని నిమిషాల్లో మమ్మల్ని ఉజ్జివింపచేసే మంచి మాటలు చెప్పండి అని.”
పెద్ద జీయర్ స్వామి వారు నవ్వుతూ, మాకు ఐదు నిమిషాలు అవసరం లేదు, ఐదు క్షణాల్లో చెబుతాము అని ఈ విధంగా సెలవిచ్చారు.
ఆహారం మనస్సుపై అత్యధిక ప్రభావాన్ని చూపుతుంది.
ఏ విధమైన ఆహారం తీసుకోవాలి; ఎలా తీసుకోవాలి; ఎంత తీసుకోవాలి; ఎప్పుడు తీసుకోవాలి.
ఇది తెలుసుకొని ఆచరించినప్పుడు మనస్సు స్థిరంగా మన ఆధీనంలో ఉంటుంది. ప్రశాంతమైన మనస్సుకు ఇదే రహస్యం.
పెద్దల మాట చద్దన్నం మూట అంటే ఇదే కాబోలు. అన్ని సమస్యలకు పరిష్కారం ఆహారమే!!
జై శ్రీమన్నారాయణ!