ఆక్స్‌ఫర్డ్ మేధావులకు కూడా అంతు పట్టని రహస్యం, నుదుటి తిలకంలో……

ఆ మార్గంలో వెళ్లే ఒక వ్యక్తి (పై చిత్రంలోని వ్యక్తి), శ్రీ స్వామి వారిని చూసి ఆగి, గ్రీట్ చేసాడు. తర్వాత, కుతూహలంగా, “సర్, మీ నుదుటి పైన ఉన్న ఆ మార్క్ ఏమిటి” అని అడిగాడు ఆంగ్లంలో. శ్రీ స్వామి వారు ఓపిగ్గా అదేంటో వివరించారు.

ముఖం మన మనస్సులో కలిగే భావాలకు ప్రతీక. మనలో ప్రతి ఒక్కరం, మనం ఎప్పుడు సంతోషంగా ఉండాలని, మనల్ని అందరు ప్రేమించాలని, మనస్సు ప్రశాంతంగా ఉండాలని కోరుకుంటాము.
ఈ మార్కులో క్రింద ఆధారంగా ఉన్న తెలుపు గుర్తు శాంతికి చిహ్నం. పొడవుగా ఉన్న ఎరుపు రేఖ ప్రేమకు చిహ్నం. పరస్పర ప్రేమ ఉండాలంటే, దానికి మూలం శాంతి. అందుకే శాంతి పునాదిగా, తెలుపు రంగు అడుగున ఉంది. వ్యక్తులలో శాంతి భావం స్థిరంగా ఉన్నప్పుడు, ప్రేమ స్వభావం పెరుగుతుంది. ఈ నిలువు రేఖ ఆ పెరుగుదలను సూచిస్తుంది. మన సహజ స్వభావం ప్రేమ అయినప్పుడు, ఇతర జీవులను సహజంగానే ఆదరిస్తాము, శాంతితో సహజీవనం చేయగలుగుతాము. ఇదే ఆనందానికి సూత్రం అని వివరించారు.

ఆ వ్యక్తి స్వామి వారికి కృతజ్ఞతలు తెలిపి, నేను ఏ మతాన్ని నమ్మను, కానీ ఇది బావుంది అని చెప్పి వెళ్ళిపోయాడు.

ఆ క్షణంలో జ్ఞానోదయం కలిగింది. ఉదయం మూడు గంటల పాటు జరిగిన చర్చకు పరిష్కారం ఎక్కడో లేదు, ఆ రహస్యం మన నుదుటి తిలకంలోనే దాగి ఉంది.

మన ఋషులు, పూర్వాచార్యులు ఇలాంటి జ్ఞానాన్ని మాటల్లోనే కాదు ఎలా ఆచరించాలో మనకు చూపించారు. శాంతి మన మనస్సులోనే కాదు, మన ప్రతి కణంలోను ఉండేలా ఊర్థ్వ పుండ్రాన్ని ప్రసాదించారు. ఊర్ధ్వ పుండ్రం (తిలకం) ధరించడం వల్ల, మనం ఆ భావాన్ని మనలో నిలుపోగలుగుతున్నాము. ప్రేమ, శాంతి, ఆనందాలను మనలో మనం అనుభవించగలుగుతూ, మన చుట్టూ కూడా ప్రసరింపచేయగలుగుతున్నాము.

ఈ కాలంలో చాల మంది తిలకం ధరించడం నామోషీగా భావిస్తుంటారు. కానీ దాని వెనుక దాగి ఉన్న నిగూఢ అర్ధాన్ని తెలుసుకోగలిగితే, మనం ఊర్థ్వపుండ్రాన్ని సగర్వంగా ధరించగలుగుతాము. మన పిల్లలకు కూడా దాని విశేషతను తెలుపగలుగుతాము.

ఇలా వ్యక్తుల్లో కలిగిన పరివర్తన, శాంతి పరిమళాలను సమాజం, దేశం, చివరికి ప్రమంచమంతా వెదజల్లేలా చేస్తుంది.

శాంతి కోసం ఉద్యమాలు చేయనవసరం లేదు. మన గొప్ప వైదిక సంప్రదాయాన్ని మనం ఆచరించగలిగితే చాలు. మనం శాంతి దూతలు అవుతాం. ఇతరులకు శాంతి మార్గాన్ని చూపగలిగిన వాళ్లమవుతాము.

జై శ్రీమన్నారాయణ!